Jenevada Suriya hukumati va muxolifati uch yil ichida birinchi marta bir davrada uchrashdi

Jenevada BMT ko‘magi ostida Suriya bo‘yicha muzokaralar rasman boshlandi, deb yozadi “Gazeta.ru”.

Ta’kidlanishicha, Suriya hukumati va Suriya muxolifati muzokaralarning ochilish marosimi doirasida bir davrada yuzma-yuz kelgan.

Reuters ma’lumotlariga ko‘ra, bu uch yildan buyon birinchi marta sodir bo‘ldi.

Salomlashish marosimida BMTning Suriya bo‘yicha maxsus elchisi Staffan de Mistura nutq so‘zladi. U muzokaralarda kuzatilgan progressni qayd etdi, unga xususan, Ostonadagi uchrashuvlar natijasida erishilganini aytdi.

Shunga qaramay, Mistura Suriyadagi nizoni tinch yo‘l bilan uzil-kesil hal qilish uchun hali ko‘p ishlarni bajarish kerakligini ta’kidladi.