Millatlar Ligasi. Fransiya bugun Germaniyaga qarshi jang qiladi, Ukraina esa Chexiya bilan kurash olib boradi

Bugun, 16-oktabr sanasida Millat Ligasi 4-turi doirasida bir nechta uchrashuv bo‘lib o‘tadi.

JCh—2018 chempioni Fransiya terma jamoasi o‘z maydonida JCh—2014 chempioni Germaniyani qabul qiladi. Ayni damda Fransiya 4 ochko bilan guruh peshqadami bo‘lib turgan bo‘lsa, nemislar hisobida 1 ochko bor, xolos. Mazkur o‘yin 23:45 da boshlanadi.

Ukraina terma jamoasi esa Chexiyani o‘z uyida mehmon qiladi. Ukraina keyingi bosqichga chiqishi uchun durang ham kifoya qiladi. Chexlar esa faqat g‘alaba qozonishi talab etiladi. Mazkur bahs ham 23:45 da boshlanadi.

Irlandiya termasi Uelsga qarshi maydonga tushsa, qo‘shni Qozog‘iston termasi o‘z maydonida Andorra bilan bellashadi.

Millatlar Ligasi

16-oktabr, seshanba

4-tur bellashuvlari