O‘zbekiston TIVda Jazoir elchisi Naser Busherit bilan uchrashuv bo‘lib o‘tdi

15-oktabr kuni O‘zbekiston Respublikasi Tashqi ishlar vazirligida Jazoir Xalq Demokratik Respublikasi favqulodda va muxtor elchisi Naser Busherit bilan uchrashuv bo‘lib o‘tdi. Bu haqda O‘zbekiston Respublikasi Tashqi ishlar vazirligining matbuot xizmati xabar bermoqda.

Ushrashuvda ikki tomonlama munosabatlarning barcha masalalari batafsil muhokama qilindi.

Suhbat davomida siyosiy, savdo-iqtisodiy, madaniy-gumanitar va boshqa sohalardagi O‘zbekiston—Jazoir hamkorligini faollashtirishga tomonlarda o‘zaro qiziqish borligi tasdiqlandi. Aynan shu nuqtayi nazardan turli daraja va shakllardagi bo‘lajak uchrashuvlarning jadvali va kun tartibi, qo‘shma tadbirlarni o‘tkazish bo‘yicha takliflar ko‘rib chiqildi.