Putin Misr prezidentini yangi Aurus avtomobilida aylantirdi

Rossiya prezidenti Vladimir Putin Misr yetakchisi Abdulfattoh as-Sisi bilan muzokaralardan so‘ng hamkasbini mahalliy Aurus avtomobillari bilan tanishtirdi. Bu haqda “RIA Novosti” xabar bermoqda.

Muzokaralardan so‘ng davlat rahbarlari Putin foydalanadigan “Senat” modeli bazasidagi limuzinda “Sochi avtodrom”ga yo‘l oldi.

Bu yerda ularga Aurus turkumiga mansub boshqa modellar — “Senat” sedani va “Arsenal” miniveni ham taqdim etildi.

Ko‘rikdan so‘ng Putin as-Sisiga sedanni sinab ko‘rishni taklif etdi va o‘zi rul boshqaruviga o‘tirdi.