“Rosatom” mansabdori Atom energetikasini rivojlantirish agentligida rahbarlik lavozimiga tayinlandi

Vitaliy Dragunov Vazirlar Mahkamasi huzuridagi Atom energetikasini rivojlantirish agentligi bosh direktorining birinchi o‘rinbosari etib tayinlandi. Bu haqda “Huquqiy axborot” kanali ma’lum qildi.

Dragunov shu kunga qadar “Rosatom”ning Markaziy Osiyo bo‘yicha direktori sifatida ishlab kelgan. Hozircha uning ikkala lavozimda ham ish olib borishi borasida ma’lumotlar yo‘q.

Ma’lumot uchun, Atom energetikasini rivojlantirish agentligi Prezidentning 2018-yil 19-iyuldagi “O‘zbekiston Respublikasida atom energetikasini rivojlantirish chora-tadbirlari to‘g‘risida”gi farmoni bilan tashkil etilgan.