Muftiy Usmonxon Alimov Makkadagi sessiyada nutq so‘zladi

Makkada o‘tayotgan Islom olami uyushmasi Oliy kengashining 43-sessiyasida dastlabki notiqlar qatorida O‘zbekiston musulmonlari idorasi raisi, muftiy Usmonxon Alimov nutq so‘zladi. Bu haqda idora matbuot xizmati ma’lum qildi.

U o‘z nutqida musulmonlar o‘rtasida birdamlik, hamjihatlikni kuchaytirish, o‘zaro ahillikka erishish, turli ixtilof va firqachilikka barham berish kerakligi, sessiyaning qabul qilinadigan qarorlarida musulmonlarning umummanfaatini nazarda tutish maqsadga muvofiq bo‘lishi borasida to‘xtalib o‘tib, bu ishlar ayniqsa bugungi kunda davr talabi ekanini ta’kidladi.

Shuningdek, O‘zbekistonda olib borilayotgan din sohasidagi islohotlar haqida batafsil ma’lumot berildi.