IShIDning Iroq—Iordaniya chegarasida hujumi natijasida iroqlik 15 chegarachi halok bo‘ldi

IShID terrorchilik tashkiloti jangarilarining Iroq—Iordaniya chegarasidagi hujumi natijasida kamida 15 nafar iroqlik chegarachi halok bo‘ldi. Bu haqda “RIA Novosti” xabar bermoqda.

Trebil shahri yaqinidagi ikkinchi chegara qo‘shinlari polkiga IShID o‘z jangarilari va portlovchi moslama o‘rnatilgan avtomobili bilan hujum qilgan.

Xabarda aytilishicha, jangarilar bir vaqtning o‘zida bir necha tarafdan hujum uyushtirgan. Halok bo‘lganlar orasida ikki zobit ham bo‘lgan.

Mahalliy ma’muriyat vakillari IShID hujumi va qurbonlar haqidagi xabarlarni tasdiqlagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!