Zo‘ravonlik qurboniga aylangan ayollarni reabilitatsiya qilish Markazi (shelter) ish boshladi

Navoiy shahrida Xotin-qizlar qo‘mitasi qoshida Ayollar ijtimoiy ko‘maklashuv maslahat markazi ish boshladi, deb xabar beradi O‘zA.

Oilaviy muammolar va maishiy zo‘ravonlikka duch kelayotgan ayollarni o‘z joniga qasd qilishining oldini olish maqsadida markaz faoliyati tibbiy psixologik, ijtimoiy va huquqiy yordam ko‘rsatishga yo‘naltirilgan.

Markazda mutaxassis, psixolog, yurist, shifokor, onalar va bolalar xonalari faoliyat yuritib, u yerga murojaat qilgan ayollarga malakali mutaxassislar tomonidan zaruriy yordamlar ko‘rsatiladi.