Ko‘zi ojizlar maktab-internatida “Yong‘in xavfsizligi” mashg‘uloti o‘tkazildi

Yashnobod tumani xalq ta’limi tasarrufidagi ixtisoslashtirilgan ko‘zi ojizlar maktab-internatida “Yong‘in xavfsizligi” mavzuida o‘quv-amaliy mashg‘ulot o‘tkazildi. Bu haqda O‘zA xabar bermoqda.

Respublika tezkor harakat xizmati hamda Ichki ishlar vazirligi Yong‘in xavfsizligi bosh boshqarmasi tashabbusi bilan tashkil etilgan tadbirda yong‘in xavfsizligi xizmati xodimlari o‘quvchilarga favqulodda vaziyat sodir bo‘lganda evakuatsiya harakatlari uslublarini amaliy mashqlar orqali batafsil tushuntirdi.

Tadbirda o‘quvchilar yong‘in sodir bo‘lganda sarosimaga tushmaslik, darhol yong‘in xavfsizligi xizmatiga xabar berish, tez va xavfsiz harakatlanish, o‘zlarini saqlab qolish tadbirlari haqida bilimini oshirdi.