Isroil chegarasidagi to‘qnashuvda 4 nafar falastinlik halok bo‘ldi

G‘azo sektori bo‘ylab Isroil chegarasida yuz bergan to‘qnashuv oqibatida to‘rt nafar falastinlik halok bo‘ldi, yana 50 kishi jarohatlandi, deb yozadi “Korrespondent.net”.

“Isroil harbiylari to‘rt nafar falastinlikni otib tashladi hamda G‘azo sektori bilan chegarada norozilik namoyishlarida ishtirok etgan kamida 50 kishini jarohatladi”,— deyiladi xabarda.

Qayd etilishicha, 26-oktabr kuni G‘azo sektori chegarasidagi norozilik namoyishlarida 16 ming nafar falastinliklar ishtirok etgan. Ular isroillik harbiylarga tosh va boshqa narsalar otgan. Bu harakatga javoban harbiylar namoyishchilarga qarata o‘q uzgan.