Indoneziyada qutqaruvchilar yo‘lovchi samolyoti qulagan joyni topdi

Indoneziya favqulodda xizmatlar vakili Boeing 737 yo‘lovchi samolyoti halokatga uchragan joy topilganligini ma’lum qildi. Bu haqda Detik xabar bermoqda, deb yozadi “Gazeta.ru”.

Nashr manbasi so‘zlariga qaraganda, samolyot Yava oroli sohillari yaqinidagi dengizga qulagan. Hozirda uning bortida bo‘lgan yo‘lovchilar va jamoa a’zolari taqdiri, shuningdek, aviahalokat vaziyatlari aniqlashtirilmoqda.

Avvalroq Indoneziya qidiruv-qutqaruv agentligi radarlardan g‘oyib bo‘lgan Boeing 737 dengizga qulaganligini ma’lum qilgan edi. Samolyot Jakartadan Indoneziyaning Pankalpinang shahriga parvoz qilgan va havoga ko‘tarilgandan 13 daqiqa o‘tib u bilan aloqa yo‘qolgan.