Tramp tadbirkorlikka cheklovlarni bekor qilishga qaratilgan farmonni imzoladi

AQSh prezidenti Donald Tramp biznes uchun keraksiz cheklovlarni bekor qilish bilan shug‘ullanadigan ishchi guruhlarni tuzish to‘g‘risidagi farmonni imzoladi. Bu haqda “TASS” xabar bermoqda. 

Tramp oldinroq Respublikachilar partiyasi konservativ doiralari yillik anjumanida cheklovlarning 75 foizi keraksizligi, biznesga xalaqit berishi va mamlakatni raqobatbardoshlikdan mahrum etayotganini bildirgan edi. 

30-yanvar kuni Tramp davlat nazorati sohasida biznesga bosimni kamaytirishga qaratilgan farmonni imzolagan edi.

Mazkur hujjatga ko‘ra, biznes uchun yangi qoida yoki cheklovlarni joriy etish jarayonida rasmiylarga mavjud qoida yo cheklovlardan ikkitasini bekor qilish majburiyati yuklanadi. 

“Daryo”ning Telegram’dagi rasmiy kanali — @toshqindaryo’ga a’zo bo‘ling!