Avstraliyalik olimlar birinchi kvant “integral sxema”ni yaratdi

Avstraliyalik fizik olimlar birinchi to‘laqonli kvant kremniy mikrosxemani yaratdi. Yangi ishlanma “tashqi” qurilmalar yordamisiz kubitlar bilan barcha operatsiyalarni bajara oladi. Bu haqda “RIA Novosti” xabar berdi.

Ma’lum qilinishicha, yangi qurilma bitta chipning ichida millionlab kubitlarni yaratishga imkon beradi. Bu esa universal  kvant hisoblash mashinalarini yaratish uchun muhim hisoblanadi. Bunday mashinalar o‘z xatolarini to‘g‘irlay oladi va cheklanmagan holda uzoq ishlay oladi.