O‘zbekistondan aldov yo‘li bilan olib chiqib ketilayotgan 3 nafar ayol to‘xtatib qolindi

O‘zbekistondan aldov yo‘li bilan olib chiqib ketilayotgan 3 nafar ayol to‘xtatib qolindi. Bu haqda IIV jamoatchilik va OAV bilan aloqalar boshqarmasi xabar bermoqda.

Toshkent viloyati Qibray tumani “Zafarobod” mahalla fuqarolar yig‘ini hududida joylashgan “Mayskiy” chegara posti orqali 28 yoshli J.U Namangan viloyati, Uchqo‘rg‘on tumanida yashovchi 32 yoshli N.O, 28 yoshli O.N. va Samarqand viloyati, Narpay tumanida yashovchi 26 yoshli M.R.ga xorijda “daromadli ish” topib berishni va’da qilib, ularni Qozog‘iston hududiga olib o‘tib ketayotgan vaqtida to‘xtatib qolindi.

Uch nafar ayol ham O‘zbekistonga qaytarildi.

J.U.ga nisbatan Jinoyat kodeksining odam savdosi bilan bog‘liq moddalariga muvofiq jinoyat ishi qo‘zg‘atildi. Tergov harakatlari olib borilmoqda.