Armanistonda sudyalarga o‘zini himoya qilishi uchun qurol beriladi

Armaniston hukumati mamlakat sudyalariga tabel quroli berish to‘g‘risida qaror qabul qildi. Bu haqda “Interfaks” xabar bermoqda.

Qarorga muvofiq, qurol va patronlar, shuningdek, o‘zini himoya qilish uchun zarur boshqa vositalar sudyalarga politsiya tomonidan beriladi. Qurol ishlatishga o‘rgatish ham politsiya tomonidan amalga oshiriladi.

Xizmat muddati yakunlangandan so‘ng sudyalar bir hafta ichida qurolni qaytarib berishi kerak bo‘ladi.