O‘zbekistonda aholining 8,7 foizi 4G, 31,4 foizi esa 3G bilan qamrab olingan

O‘zbekistonda 4G aloqa tarmog‘i bilan qamrab olinganlik darajasi 8,7 foizni tashkil etadi. Bu haqda GSMA ma’lumotlariga asoslanib, Spot xabar bermoqda. GSMA 2025-yilga borib O‘zbekistonning 4G aloqa tarmog‘i bilan qamrab olinganlik darajasi 35 foizga yetishini taxmin qilmoqda.

Hozircha mamlakatda 3G tarmoq bilan qamrab olinganlik darajasi 31,4 foizga teng. 2021-yilga borib ko‘rsatkich 40 foizdan oshishi, 2025-yilga borib esa 35 foizgacha kamayishi kutilmoqda.

Aholining katta qismi — 33,9 foizi — hamon 2G tarmoq foydalanuvchisi hisoblanadi. Shunga qaramay, ko‘rsatkich yildan-yilga qisqarmoqda — 2012-yili o‘zbekistonlik mobil aloqa foydalanuvchilarning 75 foizi 2G tarmoqda edi.