Paxtaoboddagi dalada 2 kilo marixuana bilan ketayotgan fuqaro qo‘lga olindi

Andijon viloyatining Paxtaobod tumanida 1-noyabr kuni ichki ishlar organlari xodimlari tomonidan tezkor tadbir o‘tkazildi.

Natijada Paxtaobod shahrida yashovchi fuqaro D.G‘. “Nodirabegim” mahallasida joylashgan dala maydonida 2 kilo marixuana bilan qo‘lga olindi.

“Holat yuzasidan jinoyat ishi qo‘zg‘atilib, tergov harakatlari olib borilmoqda”, — deyiladi IIV Jamoatchilik va ommaviy axborot vositalari bilan aloqalar boshqarmasi axborotida.