Ozodbek Nazarbekovning klipida Jaloliddin Manguberdi rolini ijro etgan aktyor “Temir musht” filmini suratga oldi (video)

O‘zbekiston xalq artisti Ozodbek Nazarbekovning klipida Jaloliddin Manguberdi rolini ijro etgan aktyor Mirkamol Qoraboyev “Temir musht” filmini suratga oldi. Mirkamol Qoraboyev jurnalist Feruz Muhammadga filmning dastlabki tizerini taqdim etdi.

Filmda bosh rollarni O‘zbekiston xalq artisti Muhammadali Abduqunduzov, O‘zbekistonda xizmat ko‘rsatgan artist Zuhra Ashurova, aktyorlar Mirkamol Qoraboyev, Muhtor Mahmudov, Charosxon Choriyeva, Sardor Valimuhammedovlar ijro etgan.

Jangari janrda suratga olingan filmning suratga olish ishlari 2016-yilda boshlangan bo‘lib, filmning keng jamoatchilik uchun mo‘ljallangan premyerasi 15-noyabrga rejalashtirilgan.