Eronning sobiq prezidenti Mahmud Ahmadinajod Donald Trampga maktub yo‘lladi
Eronning sobiq prezidenti Mahmud Ahmadinajod Amerika yetakchisi Donald Trampga maktub yo‘lladi. Ko‘p varaqli maktubning matni Eron sobiq rahbarining saytiga joylashtirilgan, deb yozadi “TASS”.
Ahmadinajod maktubida turli siyosiy va iqtisodiy mavzular, odob-axloq qoidalari, shu jumladan, turli tarixiy shaxslar va zamonaviy siyosatchilarning ayollarga bo‘lgan munosabati va tarix sahifalariga, hatto buyuk fors shoiri Sa’diyning ijodiga murojaat qiladi.
Sobiq prezident maktubida 25 asrdan ortiq tarixga ega buyuk eron millati nomidan fikr bildiradi.
Ahmadinajod bundan avval ham dunyo yetakchilari, jumaladan, AQSh prezidenti kichik Jorj Bush va Barak Obama, shuningdek, Germaniya kansleri Angela Merkelga ham yuqoridagi kabi maktublarni yuborgan.
Sobiq prezidentning bu kabi faol yozishmalari Eronda salbiy reaksiyani keltirib chiqarmoqda. “Daryo”ning Telegram’dagi rasmiy kanali — @toshqindaryo’ga a’zo bo‘ling!