Ruslan Nurudinov jahon chempionatida bronza medalini qo‘lga kiritdi

9-noyabr, juma kuni Turkmaniston poytaxti Ashxobod shahri mezbonligida o‘tayotgan og‘ir atletika bo‘yicha jahon chempionatining -109 kg vazn toifasidagi bahslarda O‘zbekiston sharafini Olimpiya va Osiyo o‘yinlari g‘olibi, jahon chempioni Ruslan Nurudinov himoya qildi.

Ruslan dast ko‘tarish bahslarida 187 va 189 kg toshlarni o‘ziga bo‘ysundira olmadi. Siltab ko‘tarish bahslarida esa u 227 kg natija ko‘rsatdi va bronza medaliga ega chiqdi.

10-oktabr kuni jahon chempionatining so‘nggi kuni o‘tkaziladi va unda +109 kg vazn toifasida o‘zbekistonlik Rustam Jangabayev bahslarda ishtirok etadi.