Tojikistondagi qamoqxonada yuz bergan qo‘zg‘olon uchun javobgarlikni IShID o‘z bo‘yniga oldi

IShID terrorchilik guruhi Tojikistonning Xo‘jand shahridagi qattiq tartibli koloniyada yuz bergan tartibsizlik uchun javobgarlikni o‘z zimmasiga oldi. Tartibsizlik oqibatida kamida 24 kishi halok bo‘lgan. Bu haqda “Korrespondent.net” xabar berdi.

Ta’kidlanishicha, qo‘zg‘olon mazkur muassasada jazoni o‘tayotgan IShID a’zolari tomonidan terrorchilik guruhi rahbariyatining topshirig‘iga asosan tashkil qilingan.

Tartibsizlik vaqtida o‘nlab mahbuslar jarohat olgan. Muassasaning olti nafar qo‘riqchisi Xo‘jand shahar kasalxonasiga yotiqizilgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.