Pastdarg‘omda bir necha mahallani qo‘rquvga solgan yirtqich hayvonlar qo‘lga tushdi (foto, video)
Samarqand viloyatining Pastdarg‘om tumanidagi Kichik Naymancha mahallasi hududida tunda qo‘ylarni bo‘g‘izlab ketayotgan yirtqichlar qo‘lga tushdi. Bu haqda “Xabar.uz” xabar bermoqda.
Mavzuga doir: Pastdarg‘omdagi yirtqichni yo‘q qilish uchun tuman hokimligi 29 mln so‘m ajratdi, Pastdarg‘omdagi noma’lum yirtqichni yo‘q qilish uchun militsiya ovchilaridan yordam so‘raldi
Pastdarg‘om tumani hokimligidan ma’lum qilishlaricha, qo‘ylarga bir nechta chiyabo‘ri guruh bo‘lib hujum qilgan. Mahalliy ovchilar tomonidan Kichik Naymancha mahallasi hududida qo‘ylarni bo‘g‘izlagan uchta chiyabo‘ri o‘ldirilgan.
Ayni vaqtda, Pastdarg‘om tuman IIB vakilining “Zamon” informatsion dasturiga ma’lum qilishicha, bu chiyabo‘rilarning odamlarga ham hujum qilgani haqidagi xabarlar asossiz.
Manba: Daryo.uz