Sankt-Peterburgda bir oylik chaqaloqni o‘g‘irlashda gumon qilingan o‘zbekistonlik ayol va uning qizi qo‘lga olindi

Rossiya Tergov qo‘mitasining Sankt-Peterburg bo‘yicha boshqarmasi tomonidan yurtdoshining bir oylik bolasini o‘g‘irlashda gumon qilingan o‘zbekistonlik 55 yoshli ayol va uning 36 yashar qizi qo‘lga olindi. Bu haqda UZ24 xabar bermoqda.

Surishtiruv jarayonlari davomida chaqaloq gumonlanuvchilar istiqomat qilgan uydan topilgan va bolalar kasalxonasiga joylashtirilgan.

Mazkur holat yuzasidan Rossiya JKning 126-moddasi, ikkinchi qismi “d” bandi (“Odam o‘g‘irlash”) bo‘yicha jinoiy ish qo‘zg‘atildi.

Ayblov e’lon qilish va ehtiyot chorasini belgilash masalasi ko‘rib chiqilmoqda. Yuz bergan voqea tafsilotlari o‘rganilmoqda.