O‘zbekistonlik model qizcha Tbilisida o‘tkazilgan tanlovda gran-prini qo‘lga kiritdi

Tbilisida Top Teen Model & Top Child Model of the Planet 2018 bolalar o‘rtasidagi modellar tanlovi o‘tkazildi. Bu haqda “Novosti Uzbekistana” xabar berdi.

Ushbu tanlovda O‘zbekistondan yetti nafar model bola ishtirok etdi. Tanlov gran-prisi o‘zbekistonlik Gulsanam Normeyliyevaga nasib qildi.

Top Child Model nominatsiyasida 4 yoshdan 12 yoshgacha, Top Teen Model nominatsiyasida esa 13 yoshdan 17 yoshgacha bo‘lgan bolalar chiqish qildi.

Tanlov Intersound и Katrini model agentliklari tomonidan tashkillashtirildi.

Gulsanam Normeyliyevadan tashqari boshqa o‘zbekistonliklar ham mukofotlandi. Mehdi Musinov va Zuhra Adilova Photo Model, Farangiz Normeyliyeva Best Catwalk, Neyla Kushkinbayeva Top Model, Fotima Adilova Best Model nominatsiyasida g‘olib deb topildi. Ularga 200 yevrodan pul mukofoti berildi.