Buxoroda mast erkak 5 yoshli nabirasini o‘ldirib qo‘ydi

Buxoro viloyatida mast holatdagi erkak o‘z nabirasini urib o‘ldirib qo‘ydi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.

“Joriy yilning 23-noyabr kuni soat 22.30 larda Buxoro viloyatida yashovchi U.T. mast holda, birga yashagan 5 yoshli qiz bola nabirasini suv o‘ynab, ustini ho‘l qilganligi sababli uning tanasining turli joylariga qo‘li bilan urgan vaqtida qizaloq boshi bilan yerga yiqilib, jarohat olgan”, — deyiladi xabarda.

Natijada 5 yoshli qizaloq kasalxonaga olib ketilayotganida vafot etgan. U.T. qo‘l olingan.