Yevroittifoq va NATO Rossiyani Kerch bo‘g‘ozini ochishga chaqirdi

Yevroittifoq va NATO Rossiyani Kerch bo‘g‘ozini ochishga chaqirdi, deb xabar beradi “Exo Moskvi”.

Shimoliy Atlantika alyansida ta’kidlashlaricha, Moskva xalqaro huquqqa muvofiq, Azov dengizida Ukraina portlariga to‘siqsiz yo‘lni ta’minlashi kerak.

Yevropa diplomatiyasi rahbari Federika Mogerini bayonotida aytilishicha, Yevroittifoq Rossiya Azov dengizida kemalarni nazorat qilishni to‘xtatishiga umid qilmoqda.

Rossiya Kerch bo‘g‘ozini Ukraina harbiy kemalari uchun yopib qo‘ygan. Fuqarolik kemalari ham undan o‘ta olmayapti.