Het-trikka erishgan Toven Neymarga yetib oldi, oldinda faqat Mbappe va Sala qoldi

Fransiya chempionati 14-turi doirasida “Marsel” futbolchisi Florian Toven “Amyen” darvozasiga uchta gol urishga erishdi.

Natijada Toven Liga 1’da urgan gollari soni 10 taga yetdi.

U buning uchun 13 ta o‘yinda qatnashishiga to‘g‘ri keldi. 25 yoshli futbolchi natijada to‘purarlar poygasida 10 ta gol urgan PSJ hujumchisi Neymarga yetib oldi. Undan oldinda esa Kilian Mbappe (PSJ, 11 ta gol, 9 ta o‘yin) va Emiliano Sala (“Nant”, 11 ta gol, 13 ta o‘yin) bor, xolos.