Yangiyo‘lda Isuzu rusumli avtobus YTHga uchradi

Toshkent viloyatining Yangiyo‘l tumanida 26-noyabr kuni Quyichirchiq tumanida yashovchi U.T. Isuzu rusumli avtobusni “Toshkent—Termiz” yo‘lining 841-kilometrida haydab ketayotib, yo‘l sirpanchiq bo‘lganligi sabab boshqaruvni eplay olmay avtobus yo‘l chetiga yonboshlab qolgan. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.

Natijada avtobusdagi yo‘lovchilardan faqat bir fuqaro F.S. jarohat olib kasalxonaga yotqizilgan. Holat yuzasidan dastlabki tergovoldi harakatlari olib borilmoqda.