Xiaomi 2 ta ekranli smartfonni yaratmoqda

Xiaomi kompaniyasi ikkita displeyli smartfon yaratmoqda. Bu haqda “Korrespondent.net” xabar berdi.

Qurilmaning asosiy displeyi old panelning qariyb 98 foizini egallaydi va 6,5 dyuymni tashkil qiladi. Bu Samsung’ning AMOLED displeyi bo‘ladi. Ekran ostida barmoq izi skaneri joylashadi.

Smartfonning orqa panelida 4 dyuymli ekran joylashadi. Ekran ostiga esa 12, 20 va 40 megapikselli kameralar joylashtiriladi.

Shu tariqa selfi uchun alohida kameradan voz kechish mumkin bo‘ladi.

Yangi qurilma Qualcomm Snapdragon 8150 protsessori bilan jihozlanadi va 512 gigabaytli tashqi xotira bilan ishlay oladi.