Krishtianu Ronaldu yana bir marta Yevropa Chempionlar Ligasi tarixiga kirdi

27-noyabr, seshanba kuni futbol bo‘yicha Yevropa Chempionlar Ligasi 5-turi doirasida “Yuventus” klubi o‘z maydonida “Valensiya”ni 1:0 hisobida mag‘lub etdi.

O‘yindagi yagona golni 59-daqiqada Krishtianu Ronalduning golli uzatmasidan so‘ng Mario Manjukich kiritishga erishdi.

Mazkur g‘alaba Krishtianu uchun Chempionlar Ligasidagi yuzinchisi bo‘ldi. Qayd etish joiz, Ronaldu shu vaqtga qadar Chempionlar Ligasida ishtirok etib ko‘rgan 140 jamoaning 136 tasi qo‘lga kiritgan g‘alabadan ko‘proq muvaffaqiyat qozongan.

Ma’lumot uchun, Ronaldu hozirda Chempionlar Ligasi tarixida eng yaxshi to‘purar ham bo‘lib turibdi. Uning hisobida 121 ta gol mavjud.