Marselo Isko haqida: “O‘ynashni xohlasang, ishlash kerak”

“Real” himoyachisi Marselo jamoadoshi Iskoning “Roma” bilan o‘yinda asosiy tarkibda maydonga tushmaganiga izoh berdi.

Men maslahat beradigan odam emasman. Hammamiz katta odamlarmiz, oilamiz bor. O‘z o‘rnida har birimiz otamiz. Biz nima qilishni bilamiz. Hamma o‘ynashni xohlaydi, ammo ishlash kerak. Bu futbolga ham taalluqli. Men Iskoni mehnat qilayotgani yo‘q demayman, ammo futbol shunday. Sen qayerda xato qilayotganingni tushunishing kerak va ularni tuzatish lozim.

Marselo, “Real” himoyachisi

Ma’lumot uchun, Isko joriy mavsum “Real” safida 9 ta o‘yinda qatnashib, 1 ta gol urdi va 2 ta golli uzatmani amalga oshirdi.