Xitoydagi zavodda yuz bergan portlash oqibatida 22 kishi halok bo‘ldi

Xitoyning Xebey provinsiyasida joylashgan kimyo zavodi yaqinida sodir bo‘lgan portlash oqibatida 22 kishi halok bo‘ldi, deya NDTV nashri xabar beradi.

Portlash mahalliy vaqt bilan soat 00:41 da Chjanszyakou shahrida bo‘lib o‘tdi. Hukumat taqdim etgan ma’lumotlarga ko‘ra, 22 kishi halok bo‘lgan, yana shuncha kishi kasalxonaga yotkizilgan. Mahalliy aholini voqea joyiga yaqinlashmaslikka chaqirishmoqda.

Bo‘lib o‘tgan voqea sabablari hozircha noma’lum. Qidiruv-qutqaruv ishlari davom etmoqda.