Farg‘ona 34 dona “Led” rusumli televizorni olib ketgan talonchilar qo‘lga olindi

Shu yil 30-noyabr kuni Farg‘ona tumanida yashovchi A.A. Damas rusumli avtomashinasini shu tuman Log‘on qishlog‘i hududida boshqarib ketayotganida noma’lum shaxslar Nexia avtomashinasida uning yo‘lini to‘sib, A.A.ni kuch ishlatish yo‘li bilan qo‘rqitish orqali avtomashinada bo‘lgan 34 dona “Led” rusumli televizorlarini olib ketgan. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.

Ko‘rilgan choralar natijasida ushbu jinoyatni Farg‘ona tumanida yashovchi D.I., E.M. va muqaddam sudlangan O.U.lar sodir etganliklari aniqlanib, ushlangan. Holat yuzasidan jinoyat ishi qo‘zg‘atilib, tergov harakatlari olib bormoqda.