Toshkentda yo‘qolgan 14 yoshli qiz topildi, u To‘ytepadagi qarindoshining uyida bo‘lgan

Toshkentda 29-noyabr kuni yo‘qolib qolgan 14 yoshli Visola Gafurova topildi, deb xabar beradi Toshkent shahar IIBB matbuot xizmati.

“IIB xodimlarining bee’tibor bo‘lmagan fuqarolar bilan hamkorligi natijasida joriy yilning 29-noyabrida yo‘qolib qolgan 14 yoshli Visola Gafurova topildi. Qiz Toshkent viloyati To‘ytepa hududidagi qarindoshlarining uyida bo‘lgan”, — deyiladi xabarda.

IIBB qizni qidirishda yordam berganlarning barchasiga minnatdorlik bildirib qoldi.

Eslatib o‘tamiz, Gafurova Visola Ravshan qizi 29-noyabr kuni taxminan soat 12:00 da Toshkent shahri Mirzo Ulug‘bek tumani Parkent ko‘chasida joylashgan qarindoshining uyidan chiqib, bedarak yo‘qolgan edi.