“Toshkent qimmatbaho metall birjasi” tashkil etiladi

O‘zbekiston tovar-xomashyo birjasida qimmatli metallar bilan bitimlar tuzish bo‘limi tashkil etiladi. Ushbu yangi bo‘lim “Toshkent qimmatbaho metallar birjasi” deb nomlanadi. Bu haqda “Turon 24” xabar bermoqda.

Normativ-huquqiy hujjatlar loyihalari muhokamasi portalida joylashtirilgan qonun loyihasiga muvofiq qimmatbaho metallar savdosida tijorat banklarida hisob raqamiga ega bo‘lgan yuridik va jismoniy shaxslar ishtirok etishi mumkin bo‘ladi.

Birja aylanmasida faqat qimmatbaho metallarning standart quymalaridan foydalaniladi.

Qonun loyihasida O‘zbekiston hududidan qimmatbaho metallar, toshlar va ulardan ishlangan taqinchoqlarni cheklanmagan miqdorda, maxsus litsenziyasiz olib chiqib ketish ham belgilangan.