BMT bosh kotibi va Saudiya Arabistoni shahzodasi saudiyalik jurnalistning o‘limini muhokama qildi

Bosh kotibi Antoniu Guterresh va Saudiya Arabistoni valiahd shahzodasi Muhammad bin Salmon al-Saud G20 sammiti doirasida jurnalist Jamol Qoshiqchining o‘limini muhokama qildi. Bu haqda “Gazeta.ru” xabar berdi.

“Bosh kotib Qoshiqchi ishida vaziyat yuzasidan shaffoflik, ushbu ishda aybdorlarning jazolanishi kabu zarurligini eslatib o‘tdi”, — deydi BMT Bosh kotibi rasmiy vakilining o‘rinbosari Farhon Haq.

Avvalroq Markaziy razvedka boshqarmasi rahbari Jina Xaspel AQSh senatida saudiyalik jurnalist Jamol Qoshiqchi o‘limi yuzasidan brifing o‘tkazilishi aytilgandi.