Putin Poroshenko bilan nima sababdan gaplashmayotganligiga aniqlik kiritdi

Rossiya prezidenti Vladimir Putin nima sababdan Pyotr Poroshenkoning telefon orqali gaplashishga urinishlariga javob bermayotganligiga aniqlik kiritdi, deb yozadi “Zvezda”.

Rossiya yetakchisining so‘zlariga qaraganda, u Ukraina prezidentining saylov kampaniyasida ishtirok etishni istamaydi.

Rossiya prezidenti Kerch bo‘g‘ozidagi Ukraina provokatsiyasi bilan bog‘liq vaziyatni izohlay turib, Poroshenko inqirozli va provokatsion vaziyatlarni sun’iy yuzaga keltirishi va buning uchun javobgarlikni Rossiya zimmasiga yuklashi, shundan so‘ng yuzaga kelgan muammolarni muvaffaqiyatli hal etayotganligini namoyish qilishni istashini ta’kidladi.

Shu bilan bir vaqtda Putin Ukraina prezidenti bilan oliy darajadagi muzokaralardan bosh tortmasligini bir necha marta ta’kidlagan edi.