Britaniyada telefoniga berilib ketgan erkak kanalga tushib ketdi (video)

Britaniyaning Nottingem shahrida telefoniga berilib ketgan erkak kanalni so‘qmoq yo‘l deb o‘ylab, suvga tushib ketdi. Hodisa videosiga Metro nashri e’tibor qaratdi.

Rolik noyabr oyida shahar pablaridan biriga o‘rnatilgan kuzatuv kamerasiga tushib qolgan. Videoda erkak mobil telefoni ekraniga tikilgan holda ustini barglar qoplagan kanalga yaqinlashadi. U oldinga qadam tashlaganda suvga qulaydi va tipirchilay boshlaydi. Ikki kishi yordamga yugurib kelib, uni qirg‘oqqa olib chiqadi.

Keyinroq aniq bo‘lishicha, britaniyalik barglar bilan qoplangan suv yuzasini yo‘lakcha gumon qilib, telefonga chalg‘iganligi sababli oyog‘i ostiga qaramagan.