Qarshida qarovsiz qoldirilgan Matiz’ni minib qochgan shaxs ushlandi

Qashqadaryo viloyatining Qarshi shahrida shu yil 7-dekabr kuni noma’lum shaxs “Komilon” MFY Mash’al ko‘chasida oldida fuqaro A.E.ga tegishli qarovsiz qoldirilgan Matiz rusumli avtomashinani haydab qochgan. Bu haqda IIV Jamoatchilik va OAV bilan aloqalar boshqarmasi xabar berdi.

Ko‘rilgan choralar natijasida avtomashina Otchopar mahallasi hududidan texnik soz holda topilgan.

Olib borilgan qidiruv surishtiruv ishlari natijasida ushbu jinoyatni Qarshi tumanida yashovchi J.A. sodir etganligi aniqlanib ushlangan. Holat yuzasidan jinoyat ishi qo‘zg‘atilgan. Tergov harakatlari olib borilmoqda.