Alisher Usmonov dekabr oyida o‘zbekistonliklarga bir necha konsertlar taqdim etadi

11—12-dekabr kunlari Forumlar saroyida Moskvaning “Kuraj” teatri “Ognenniye lyudi” olov teatri va Tall brothers masxarabozlik teatri ishtirokida chiqish qiladi. Bu haqda “Nuz.uz” xabar bermoqda.

17-dekabrda Xalqlar do‘stligi saroyida amerikalik taniqli R&B ijrochisi Jeyson Derulo konsert beradi.

Yangi yil arafasida — 30-dekabr kuni Forumlar saroyida Chaykovskiy nomli Katta simfonik orkestrining konserti bo‘lib o‘tadi. Uning solistlari qatorida Mixail Radunskiy, Maksim Vengerov, Olga Peretyatko va asli o‘zbekistonlik mashhur pianinochi Lola Astanova bor.

Toshkentdagi xayriya konsertlarining tashkilotchisi Berin Art Tashkent kompaniyasi bo‘lib, barcha tadbirlar milliarder Alisher Usmonovdan o‘zbekistonliklarga sovg‘a hisoblanadi.