Yashnobod tumanidagi uyda bir vaqtning o‘zida uchta xonadon yonib ketdi

Toshkentning Yashnobod tumanidagi uyda bir vaqtning o‘zida uchta xonadon yonib ketdi. Bu haqda poytaxt IIBB xabar bermoqda.

Toshkentning Pahlavon Mahmud 2-berk ko‘chasidagi 19-uyning umumiy hovlisida joylashgan 5, 6, 8-xonadonlardagi yong‘in haqida “101”ga 9-dekabr kuni 12:56 da xabar kelib tushgan.

O‘t o‘chiruvchilar voqea joyiga 7 daqiqada yetib borgan. 13:14 ta yong‘inning tarqalishi cheklangan, 13:31 da esa to‘liq bartaraf qilingan.

Yong‘in oqibatida ushbu uylarning tomlari qisman zarar ko‘rgan hamda 5-xonadon ichki xonalarining bir qismiga zarar yetgan, dastlabki ma’lumotlarga ko‘ra, yong‘in aynan shu yerda boshlangan.

Hodisaga elektr simidagi qisqa tutashuv sabab bo‘lganligi taxmin qilinmoqda.