Tojikiston OAV kengashi ikki nafar o‘zbekistonlik jurnalistni “E’timod” mukofoti bilan taqdirladi

Tojikiston OAV kengashi ikki nafar o‘zbekistonlik jurnalistni “E’timod” mukofoti bilan taqdirladi. Bu haqda kengash raisi Shahlo Akobirova ma’lum qildi, deya xabar beradi “Turon 24”.

Shahlo Akobirovaning so‘zlariga ko‘ra, mazkur mukofot tojik jurnalistikasi rivojlanishiga katta hissa qo‘shgan mahoratli jurnalistlarga beriladi.

Tojikiston OAV Kengashining “E’timod” mukofotiga O‘zbekistonning “Ovozi tojik” gazetasi bosh muharriri Sherpo‘lat Vakilov hamda Samarqand televideniyesining “Shomi Samarqand” (“Samarqand oqshomi”) dasturi muharriri Shahlo Ahrorova munosib topildi.

Mazkur mukofot ilk marotaba o‘zbekistonlik jurnalistlarga berildi.