O‘zbekistonlik dzyudochilarning Xitoydagi “Masters” musobaqasiga boradigan tarkibi ma’lum bo‘ldi

Joriy yilning 15—16-dekabr kunlari Xitoyning Guanchjou shahrida dzyudo bo‘yicha nufuzli “Masters” musobaqasi bo‘lib o‘tadi.

Musobaqada jahonning 50 dan ortiq mamlakatidan 250 ga yaqin sportchi ishtirok etadi. Mazkur musobaqada o‘zbekistonlik polvonlar ham qatnashadi.

Bahslarda O‘zbekiston sharafini Sharofiddin Lutfillayev (-60 kg), Diyorbek O‘rozboyev (-60 kg), Shahram Ahadov (-66 kg), G‘iyosjon Boboyev? (-73) va Bekmurod Oltiboyev (+100 kg) himoya qiladi. Musobaqa g‘oliblari reyting ochkolariga ega bo‘ladi.