Toshkent to‘qimachilik va yengil sanoat institutiga yangi rektor tayinlandi

O‘zbekiston Respublikasi Vazirlar Mahkamasining qaroriga muvofiq Bahodirjon Onorboyev Toshkent to‘qimachilik va yengil sanoat instituti rektori lavozimiga tayinlandi, deb xabar berdi O‘zA.

Bahodirjon Onorboyev 1971-yilda tug‘ilgan, 1993-yilda Toshkent davlat universitetini matematika mutaxassisligi bo‘yicha tamomlagan, texnika fanlari doktori.

U mazkur lavozimga tayinlanishidan oldin O‘zbekiston Respublikasi Vazirlar Mahkamasi Ta’lim, sog‘liqni saqlash, jismoniy tarbiya, sport va turizm masalalari axborot-tahlil departamenti Uzluksiz ta’lim tizimida islohotlarni muvofiqlashtirish masalalari sho‘basining mudiri lavozimida ishlab kelgan.