PFL 14-dekabr Superliganing eng yaxshilarini taqdirlaydi, Sport-TV marosimni jonli translyatsiya qiladi

14-dekabr kuni O‘zbekiston professional futbol ligasi Superliganing ortda qolgan mavsumidagi eng yaxshilarni taqdirlaydi. Bu haqda tashkilot matbuot xizmati “Daryo”ga ma’lum qildi.

Marosimida yil ramziy terma jamoasi, yilning eng chiroyli goli hamda har bir pozitsiyada eng yaxshi o‘yinchilar va yil murabbiyi aniqlanib taqdirlanadi. Hozirda yilning eng yaxshilarini aniqlash uchun PFL tashkilot saytida so‘rovnoma o‘tkazmoqda.

Taqdirlash marosimi Sport-TV telekanali tomonidan 14-dekabr sanasida 18:00 dan boshlab to‘g‘ridan to‘g‘ri jonli efirda namoyish etiladi.