Fransiya rasmiylari Strasburgdagi otishmani terakt sifatida baholadi

Fransiyaning Strasburg shahridagi Rojdestvo yarmarkasi yaqinida ro‘y bergan otishmani mamlakat rasmiylari terakt sifatida baholamoqda. Bu haqda Fransiya prokuraturasi ma’lum qildi, deya xabar beradi “KP.ru”.

Politsiya mazkur jinoyatda gumonlanuvchining uyida tintuv o‘tkazdi. Uni hibsga olishga muvaffaq bo‘lmadi, biroq kvartirada jangovar granatlar aniqlandi.

Strasburgda istiqomat qilgan 29 yashar erkak mamlakat maxsus xizmatlari e’tiboriga tushgan va terrorizmda gumon qilinuvchilar ro‘yxatiga kiritilgandi.

Mazkur otishmani o‘rganish bilan Parij prokuraturasining aksilterror bo‘linmasi shug‘ullanadi.