Facebook ofisi bomba haqidagi xabardan so‘ng to‘liq evakuatsiya qilindi

12-dekabr Facebook’ning Kaliforniyadagi (AQSh) bir necha ofisi minalashtirilgani haqidagi qo‘ng‘iroqdan so‘ng, to‘liq evakuatsiya qilindi. Bu haqda Menlo Park shahrining politsiya mahkamasi ma’lum qilgan, deb yozadi “Korrespondent.net”.

Ma’lum bo‘lishicha, kaliforniyalik politsiyachilarga Facebook ofisi minalashtirilgani haqidagi xabarni Nyu-Yorkdagi hamkasblari berishgan.

Kompaniya rahbariyati, qo‘shni binolardagi odamlarni ham evakuatsiya qilishni talab qilgan. San-Mateo okrugining politsiyachilar barcha binolarni maxsus o‘rgatilgan itlar yordamida tekshirib chiqqan, biroq bomba topilmagan.

Bundan avval, bomba haqida berilgan xabardan keyin, CNN telekompaniyasi xodimlari ham evakuatsiya qilingan.