“Barselona” 5 yildan beri Chempionlar Ligasida o‘z maydonidagi o‘yinlarda yutqazmayapti

“Barselona” Yevropa Chempionlar Ligasi guruh bosqichi so‘nggi turida “Tottenhem”ni o‘z maydonida qabul qilib, 1:1 hisobida durang qayd etdi.

Mezbonlar safida Usmon Dembele hisobni ochgan bo‘lsa, “shporlar”dan Lukas Moura muvozanatni tikladi. Natijada tomonlar 1 ochkodan bo‘lishib oldi.

Shu tariqa “Barselona” “Bavariya” tomonidan qayd etilgan uy uchrashuvlaridagi 29 ta uchrashuvdan iborat mag‘lubiyatsiz o‘yinlar seriyasi rekordini takrorladi. “Barselona” so‘nggi bor yevrokuboklar doirasida “Kamp Nou”da 2013-yil sentabrida mag‘lubiyatga uchragandi.

Shundan so‘ng jamoa 26 ta o‘yinda g‘alaba qozondi, 3 ta o‘yinda esa durang qayd etdi.