O‘zbekiston bezgakdan xoli mamlakat deb e’lon qilindi

11-dekabr kuni Jahon sog‘liqni saqlash tashkiloti (JSST) tomonidan O‘zbekiston hududi bezgak kasalligidan holi mamlakat sifatida tan olindi. Bu haqda BMT rasmiy sayti ma’lum qildi, deya xabar bermoqda “Turon 24”.

Noyabr oyida O‘zbekiston bezgak kasalligidan xoli hudud sertifikatini olish uchun Jahon sog‘liqni saqlash tashkilotiga murojaat qilgandi.

JSST statistik ma’lumotlariga ko‘ra, 2010-yildan buyon O‘zbekiston hududida bezgak kasalligi kuzatilmagan. Jahon fondi hamda Jahon sog‘liqni saqlash tashkiloti O‘zbekistonga bezgak kasalligining oldini olishga qaratilgan choralarni amalga oshirishga ko‘mak bergan. Natijada 2018-yilda kasallik butunlay bartaraf qilingan.