Tereza Mey Britaniya bosh vaziri lavozimini saqlab qoldi

Buyuk Britaniya Konservativ partiyasidan saylangan deputatlar Tereza Mey partiya yetakchisi va mamlakat bosh vaziri lavozimini saqlab qolishi uchun ovoz berdi. Bu haqda “Korrespondent.net” ma’lum qildi.

Vakillar palatasi deputatlaridan 200 nafari bosh vazirni yoqlab ovoz berdi, 117 nafari qarshi chiqdi. Endi bir yil davomida Meydan yetakchilikni tortib olish mumkin emas.

Deputatlarning bir qismi Mey Yevropa rasmiylari bilan kelishgan Buyuk Britaniyaning Yevroittifoqdan chiqish loyihasidan norozi edi. Bosh vazir 10-dekabr kuni parlamentdagi Brexit bo‘yicha ovoz berishni bekor qildi.